10 cwestiwn i’ch helpu i fyfyrio ar eich blwyddyn a pharatoi ar gyfer yr un nesaf
Wrth i’r flwyddyn ddod i ben, gall fod yn amser gwych i edrych yn ôl ar yr hyn rydych chi wedi’i gyflawni dros y 12 mis diwethaf, myfyrio ar eich blwyddyn a pharatoi ar gyfer yr un nesaf.
Ble buoch chi, beth ydych chi wedi’i gyflawni a beth allech chi ei wneud yn wahanol? Hefyd, efallai yr hoffech chi ddilyn cwrs ar gyfer eich nodau yn y dyfodol.
Felly dyma 10 cwestiwn i’ch helpu chi i fyfyrio ar eich blwyddyn a pharatoi ar gyfer yr un nesaf. Rwy’n argymell eich bod chi’n tynnu allan eich llyfr nodiadau ffyddlon, neu’n agor ap o’ch dewis, i ysgrifennu’ch atebion i’r cwestiynau myfyrio.
Ymhle wnaethoch chi lwyddo?
Beth ydych chi fwyaf balch ohono o’ch cyflawniadau yn ystod y flwyddyn ddiwethaf? Mae dathlu hyd yn oed y pethau bach yn bwysig.
Beth wnaethoch chi ei fwynhau fwyaf?
Am beth ydych chi’n angerddol? Boed yn swydd i chi neu’n berthnasoedd, gwnewch yn siŵr eich bod chi’n mwynhau bob dydd. Os na, efallai ei bod hi’n bryd newid?
Ble wnaethoch chi fethu?
Gall edrych ar eich methiannau eich hun fod yn anodd, ond mae’n angenrheidiol. Os ydych chi am symud ymlaen, rhaid i chi fod yn onest ynglŷn â’ch diffyg llwyddiant.
Pa bethau ydych chi’n eu difaru?
Gall y cwestiwn hwn fod yn boenus i’w ateb, ond gall eich helpu i gyflawni a ffynnu yn y dyfodol.
Pa wersi wnaethoch chi eu dysgu?
Bydd gwybod a deall pa wersi a ddysgodd bywyd i chi yn y flwyddyn ddiwethaf hon yn eich helpu i dyfu a bod yn barod ar gyfer sefyllfaoedd tebyg yn y dyfodol.
Beth fyddwch chi’n ei wneud yn wahanol?
Un peth y gallwch chi ei reoli ydy chi eich hun, felly peidiwch â beio eraill am eich ymddygiad. Dewis yw eich agwedd, gwnewch yn siŵr eich bod chi’n dewis un da.
Beth yw statws eich nodau?
Adolygwch bob un o’ch nodau a phenderfynu ar eu statws. Efallai bod angen i chi wneud mwy o ymdrech arnyn nhw, neu hyd yn oed eu newid yn llwyr.
Beth sydd angen i chi wneud mwy ohono?
Beth sydd angen i chi dreulio mwy o amser yn ei wneud? Boed yn fwy trefnus neu’n treulio mwy o amser gyda’r teulu, mae’n bwysig eich bod yn nodi’r bwriad.
Beth sydd angen i chi roi’r gorau iddo?
Efallai bod gennych chi arfer gwael. Ceisiwch newid ymddygiadau negyddol am rhai positif, newydd.
Beth yw eich nodau newydd ar gyfer y flwyddyn newydd?
Mae adolygu a diwygio’ch nodau yn ymarfer pwysig. Efallai y bydd eich nodau newydd yn hollol newydd, neu gallant fod yn addasiadau i’r rhai presennol. Dylai eich nodau fod yn addasadwy a dylech bob amser fod yn cadw ati i aros ar y targed i lwyddiant.
